Kiungo #NemanjaMatic, amepigwa marufuku nchini Ufaransa baada ya kufunika nembo ya LGBTQ+ wakati wa mechi.
#Matic, ambaye kwa sasa anachezea klabu ya Lyon, amepigwa marufuku ya mechi mbili baada ya kufunika nembo ya Ligue 1 yenye rangi za upinde wa mvua kwenye jezi yake dhidi ya Angers katika siku ya mwisho ya msimu. Alionekana kuweka kipande cha kitu cheupe juu ya nembo hiyo.
Ligue 1 huendesha kampeni ya kila mwaka ya kupinga homofobia inayowataka wachezaji kuvaa nembo hiyo kama ishara ya kuunga mkono jamii ya LGBTQ+.
Kiungo wa kati wa Le Havre, #AhmedHassan, pia amepigwa marufuku hiyo hiyo baada ya kufunika nembo yake. Hata hivyo, mshambuliaji wa Nantes, #MostafaMohamed, hajachukuliwa hatua yoyote licha ya kukataa kushiriki mechi ya mwisho wa msimu.
Inaaminika kuwa Matic ni mshiriki wa Kanisa la Kiorthodoksi la Serbia, huku Mohamed na Hassan wakiwa Waislamu.
Matic na Hassan pia wameombwa kushiriki kampeni ya uhamasishaji kuhusu homofobia katika soka, kulingana na taarifa kutoka HLN.
Mpango huu wa Ligue 1, ambao sasa umefanyika kwa mara ya tano, umekuwa ukizua utata kila mwaka huku baadhi ya wachezaji wakikataa kushiriki, mara nyingi kwa sababu za imani.
Matic atakosa mwanzo wa msimu ujao baada ya kuisaidia timu yake kufuzu kwa Ligi ya Europa, huku Alexandre Lacazette akifunga mabao mawili katika ushindi wa 2-0 dhidi ya Angers.
#Matic alijiunga na Lyon mwaka 2024 na amekuwa mchezaji muhimu kwa timu hiyo tangu wakati huo.
