Mwanasheria wa #FatJoe, #JoeTacopina, amepinga vikali tuhuma zilizotolewa na aliyekuwa hype man wake, akiziita uongo uliobuniwa kwa lengo la kupata fidia ya kifedha.

Katika taarifa ya #TheIndependent, Tacopina alisema:

“Madai dhidi ya Bwana Cartagena ni ya kughushi kabisa uongo uliokusudiwa kuharibu sifa yake na kulazimisha malipo kupitia shinikizo la umma. Bwana Cartagena hatatishwa. Tumeshachukua hatua za kisheria kufichua kampeni hii ya udanganyifu na kuwawajibisha wote waliohusika.”

Fat Joe ameshtakiwa na Terrance Dixon, anayejulikana pia kama “T.A.”, kwa madai ya kushiriki katika unyonyaji wa kazi kwa kulazimisha, ulaghai wa kifedha, udanganyifu wa kingono, vitisho vya kimabavu, na unyanyasaji wa kisaikolojia. Dixon anadai fidia ya hadi dola milioni 20.

Shtaka hilo liliwasilishwa katika Mahakama ya Wilaya ya Marekani ya Kanda ya Kusini ya New York na limechunguzwa na gazeti la The Independent. #Dixon anadai kuwa #FatJoe alilazimisha kushiriki katika hali za kuaibisha, ikiwemo tendo la ndoa lililofanyika kwa kulazimishwa na kusimamiwa kwa kamera, sambamba na vitisho vya kuachwa katika nchi za kigeni endapo angekataa kutii.

Dixon pia alidai kuwa alilazimishwa kufanya zaidi ya vitendo vya ngono 4,000 ili kuhifadhi nafasi yake ndani ya ‘Enterprise’.